Ka Ho'olālā 'ana i Ke Ala Kuhi

Hoʻohana ka nui o nā hoʻokele i ke ʻano hoʻokele ʻana i kapa ʻia ma ka inoa ʻo ke Kele Kaʻalalo. Ma kēia kaʻakālai holo, ʻimi ʻia ka latitū o kahi āu e kipa ana, a laila e kuhi ka ihu o ka waʻa i ka huina ʻekoʻa mai ka makani a kele kaʻalalo i ka mokupuni.
ʻO kēia kaʻakālai holo kele kaʻalalo ʻana, he mea ia e maʻalahi ai kāu hana hoʻokele. Inā holo pololei ʻoe i ka moku a kāʻalo ʻia, ʻaʻole paha ʻoe ʻike i ka huina e huli ai no ka hōʻea ʻana i ua moku lā. Ma ka ʻākau ʻoe? Ma ka hema ʻoe? Eia nō naʻe inā holo ʻoe i ka makahi a hōʻea ʻoe ma waena o ke kumu makanai a me ka moku āu e kipa ana, ʻike nō ʻoe no ka hōʻea ma ka latitū pololei, ʻo ke kuhi wale o ka ihu i ka moku ka hana i koe, aia lā ma mua pono hoʻi.
ʻO kekahi pōmaikaʻi, ʻo ka nui o nā moku puni, he ʻāpana ia o kekahi pae moku, a ʻoi loa aku ka maʻalahi o ka ʻimi ʻana i pae moku ma mua o ka ʻimi ʻana i ka moku kū hoʻokahi.
ʻO kekahi pōmaikaʻi o ke Kele Kaʻalalo ʻana: ʻo ia nō ka maʻalahi o kēia holo ʻana ma ka hapa hope, ua luhi mua nā holokai, a he mea kēia e māmā ai kā lākou hana.
No ka holo pono ʻana ma ke kai uli, e pono ana e paʻa ka ʻike no nā au makani a me ke au moana. ʻO ia hoʻi ka huina a me ka māmā holo. No ke au ikaika, he kōkua ma ka lawe ʻia i kahi e kuhi ai, he pōmaikaʻi ia; a he hoʻopilikia ma ka lawe ʻia i ke ala hewa, he pōʻino ia. ʻOkoʻa nā makani a me nā au moana ma kēlā wahi kēia wah
Hoʻohana nā hoʻokele i ke kaʻakālai holo kele kaʻalalo ʻana, ʻo ia hoʻi, holo ʻoe i ka makani a hōʻea ʻoe ma waena o ke kumu makanai a me ka moku āu e kipa ana. Ke hōʻea ma ka latitū pololei, ʻo ke kuhi wale o ka ihu o ka moku ka hana i koe, aia ma mua pono. Na ka makani e pahu i ka waʻa i ka moku.