Skip to main content

Nalo 'Ole

Never Lost Intro image
Nalo 'Ole

E moeā ʻoe no kou waiho ʻia ma waena kona o ka Moana Pākīpika. E holo ana ʻoe no nā pule lōʻihi a ʻaʻohe moku e ʻike ʻia nei. Maopopo paha ʻoe i kou latitū? Maopopo paha ʻoe i kahi āu e holo ai?

He Ho'olauna


No nā kenekulia a melenio i hala iho nei, ua holo nō ka po'e Polinekia ma ka moana nui ākea he mau kaukani mile i pāho'onui 'ia no ka ho'onoho 'ana i kēlā mokupuni kēia mokupuni. Ua ho'okele 'ia nā wa'a me ka loa'a 'ole o ka GPS, nā palapala 'āina, nā pānānā mākēneki, nā uaki, a i 'ole nā ana kilo lani. Ua kauka'i 'ia nā hō'ailona kūlohelohe i 'ike 'ia. 'O ka pi'ina me ka ihona o ka lā, ka mahina, a me nā hōkū kekahi o nā hō'ailona, a 'o nā 'ale o ke kai, ka makani, nā au moana, a me nā manu kekahi mau hō'ailona 'ē a'e.

Ua 'ane pau nō nā 'ike a me nā loina ho'okele. Eia na'e, i kēia mau lā ke ola hou nei ua 'ike a loina lā ma kēlā kihi kēia kihi o Polinekia, keu aku ma Hawai'i.

E 'imiloa like mai kākou i ka 'ike o ka ho'okele Polinekia, a e hahai 'ia nā meheu o nā Polinekia o ka wā kahiko. Ke pa'a kēia 'ike iā 'oe, 'a'ole nō e nalowale hou.